ஆகஸ்டு 25 2019 ஞாயிறு நற்செய்தி மறையுரை

ஆகஸ்டு 25 2019 ஞாயிறு நற்செய்தி மறையுரை

ஆண்டின் 21ம் ஞாயிறு

Isaiah 66:18-21
Ps 117:1, 2 (with Mark 16:15)
Hebrews 12:5-7, 11-13
Luke 13:22-30

மோட்சத்திற்கும் செல்லும் அடையாளங்கள்

லூக்கா நற்செய்தி

இடுக்கமான வாயில்

22இயேசு நகர்கள், ஊர்கள் தோறும் கற்பித்துக்கொண்டே எருசலேம் நோக்கிப் பயணம் செய்தார்.

23அப்பொழுது ஒருவர் அவரிடம், “ஆண்டவரே, மீட்புப் பெறுவோர் சிலர் மட்டும்தானா?” என்று கேட்டார். அதற்கு அவர் அவர்களிடம் கூறியது:

24“இடுக்கமான வாயில் வழியாக நுழைய வருந்தி முயலுங்கள். ஏனெனில் பலர் உள்ளே செல்ல முயன்றும் இயலாமற்போகும்.

25‘வீட்டு உரிமையாளரே, எழுந்து கதவைத் திறந்துவிடும்’ என்று கேட்பீர்கள். அவரோ, நீங்கள் எங்கிருந்து வந்தவர்கள் என எனக்குத் தெரியாது’ எனப் பதில் கூறுவார்.✠

26அப்பொழுது நீங்கள், ‘நாங்கள் உம்மோடு உணவு உண்டோம், குடித்தோம். நீர் எங்கள் வீதிகளில் கற்பித்தீரே’ என்று சொல்வீர்கள்.

27ஆனாலும் அவர், ‘நீங்கள் எவ்விடத்தாரோ எனக்குத் தெரியாது. தீங்கு செய்வோரே, அனைவரும் என்னைவிட்டு அகன்று போங்கள்’ என உங்களிடம் சொல்வார்.✠

28ஆபிரகாமும் ஈசாக்கும் யாக்கோபும் இறைவாக்கினர் யாவரும் இறையாட்சிக்கு உட்பட்டிருப்பதையும் நீங்கள் புறம்பே தள்ளப்பட்டிருப்பதையும் பார்க்கும் போது அழுது அங்கலாய்ப்பீர்கள்.✠

29இறையாட்சியின்போது கிழக்கிலும் மேற்கிலும் வடக்கிலும் தெற்கிலுமிருந்து மக்கள் வந்து பந்தியில் அமர்வார்கள்.

30ஆம், கடைசியானோர் முதன்மையாவர்; முதன்மையானோர் கடைசியாவர்.”✠

(thanks to www.arulvakku.com)

இந்த ஞாயிற்றுக்கிழமை நற்செய்தி  வாசகங்கள், மோட்சத்தின்  குறுகிய வாயிலுக்குச் செல்லும் பாதையில் அடையாளச் சின்னங்கள். நம்முடைய செயல்களையும் எண்ணங்களையும் கடவுள் அறிவார் என்று ஏசாயா கூறுகிறார். நம்முடைய செயல்களைப் புனிதப்படுத்தவும், நம் எண்ணங்களைத் தூய்மைப்படுத்தவும் நமக்கு உதவுவதற்காக, நாம் இறக்கும் போது கடவுளின் மகிமையின் முழுமையைக் காண, அவர் நம்மிடையே ஒரு அடையாளத்தை வைக்கிறார். அது இயேசு. அவரது வாழ்க்கை - அவர் எப்படி வாழ்ந்தார், எப்படி இறந்தார் - சொர்க்கத்தில் நுழைவது எப்படி என்பதற்கான அறிகுறியாகும்.

 இயேசு இன்றைய  நற்செய்தியில், 'பலம் இல்லாத இரட்சிப்பில் நுழைய பலர் முயற்சிப்பார்கள் " என்று  கூறுகிறார். எதற்கு  போதுமான வலிமை பலம் தேவை ?

நற்செய்தி முழுதும், இதற்கு இயேசு  பதில் அளிக்கிறார்: நாம் அன்பில் பரிபூரணமாக இருக்க வேண்டும். தவறுகளும் பிற குறைபாடுகளும் நம்மை மோட்சத்திலிருந்து நம்மை விரட்டிவிடும்  என்று அர்த்தமல்ல. சொர்க்கத்திற்கான வாயிலைத் திறக்கும் திறவுகோல் அன்பு, நாம் அன்பைத் தூக்கி எறிந்தால், அந்த சாவியைத் தூக்கி எறிவோம்.

எவ்வாறாயினும், நாம் பாவம் செய்தாலும், அன்பில்லாமல் நாம் எப்போதுமே இருப்பதில்லை. ஆனால் அன்பில் பரிபூரணமாக இருக்க வேண்டும் என்று கூறப்படுகிறது. இதன் பொருள் முழுமையாக நேசிப்பது. எப்போதும். நிபந்தனையற்ற அன்பும், தியாகத்துடனும், தீவிரமான அன்புடனும் இருக்க வேண்டும்.

அன்பில் பரிபூரணமாக இருக்க, நாம் கர்த்தருடைய சொந்த அன்பைக் கொண்டிருக்க வேண்டும். இயேசு நம்மில் குடியிருந்து,  நம் மூலமாக மற்றவர்களை அடைய வேண்டும். நம் சொந்த முயற்சியில், நம்மால்   முழுமையாக நேசிக்க முடியாது, ஆனால் மற்றவர்களிடம் கடவுளைடைய அன்பைக் கொடுக்க நாம் கடவுளை நம்பும்போது, நம்மால்  பரிபூரண அன்பை  கொடுக்க முடியும்.

கடவுளின் அன்பை நம்புவதற்கும், அதில் நம்பிக்கையுடன் இருப்பதற்கும், அவருடைய அன்பைத் தடுக்கும் எதையும் நாம் அகற்ற வேண்டும்: மன்னிக்காதது, பழிவாங்கும் மனப்பான்மை, நீடித்த மனக்கசப்பு மற்றும் இழிந்த தன்மை, மற்றவர்களின் தேவைகளை அலட்சியமாக புறக்கணித்தல்.

கர்த்தருடைய ஒழுக்கத்தை இழிவுபடுத்த வேண்டாம் என்று எபிரேயரிடமிருந்து வரும் வாசிப்பு நமக்குக் கூறுகிறது. நம்முடைய கஷ்டங்களுக்கும் சோதனைகளுக்கும் என்ன காரணம் அல்லது யாரைக் குறை கூறுவது என்பது முக்கியமல்ல, அன்பில் நம்மை முழுமையாக்குவதற்கு கடவுள் அவற்றைப் பயன்படுத்துகிறார். அன்பில் வளருவதற்கான வாய்ப்புகளாக இவற்றை நாம் உணர்ந்தால் - அவற்றில் கடவுளைத் தேடி, நம்முடைய அன்பின் திறனை அவர் வளர செய்தால்  - நாம் இயேசுவைப் போலவே ஆகிவிடுவோம். நாம் சொர்க்கத்தை நோக்கிய பாதையை நேராக ஆக்குகிறோம்,  நம்மிடம் உள்ள குறைகளையும், இயலாமையையும் .குணப்படுத்தும் .

© 2019 by Terry A. Modica

ஆகஸ்ட் 18 2019 ஞாயிறு நற்செய்தி மறையுரை

ஆகஸ்ட் 18 2019 ஞாயிறு நற்செய்தி மறையுரை

ஆண்டின் பொதுக்காலம் 20ம் ஞாயிறு

Jeremiah 38:4-6, 8-10
Ps 40:2-4, 18 (with 14b)
Heb 12:1-4
Luke 12:49-53

லூக்கா நற்செய்தி

பிளவு ஏற்படுதல்
(மத் 10:34-36)

49“மண்ணுலகில் தீமூட்ட வந்தேன். அது இப்பொழுதே பற்றி எரிந்து கொண்டிருக்க வேண்டும் என்பதே என் விருப்பம்.

50ஆயினும் நான் பெற வேண்டிய ஒரு திருமுழுக்கு உண்டு. அது நிறைவேறுமளவும் நான் மிகவும் மன நெருக்கடிக்குள்ளாகி இருக்கிறேன்.✠

51மண்ணுலகில் அமைதியை ஏற்படுத்த வந்தேன் என்றா நினைக்கிறீர்கள்? இல்லை, பிளவு உண்டாக்கவே வந்தேன் என உங்களுக்குச் சொல்கிறேன்.

52இது முதல் ஒரு வீட்டிலுள்ள ஐவருள் இருவருக்கு எதிராக மூவரும் மூவருக்கு எதிராக இருவரும் பிரிந்திருப்பர்.

53தந்தை மகனுக்கும், மகன் தந்தைக்கும், தாய் மகளுக்கும், மகள் தாய்க்கும், மாமியார் தன் மருமகளுக்கும், மருமகள் மாமியாருக்கும் எதிராகப் பிரிந்திருப்பர்.”✠

இந்த உலகை மாற்றும் தீ

இன்றைய ஞாயிறின் நற்செய்தியில் , இயேசு இந்த உலகிற்கு அமைதியை கொண்டு வரவில்லை என்று சொல்கிறார். தீயை மூட்டவே வந்தேன் என்று சொல்கிறார். அந்த தீ , இயேசுவை பின் செல்பவர்கள் அனைவரின் உள்ளேயும் வீற்றிரிருக்கும் பரிசுத்த ஆவியை தான் இயேசு தீ என்று சொல்கிறார். பரிசுத்த ஆவியை அனைவருக்கும் கொடுக்க இயேசு விரும்பினார்.  இதுதான் உலகை மாற்றுகிறது. இதுதான் நீடித்த அமைதியைக் கொண்டுவருகிறது, முதலில் நமக்குள், பின்னர் நம்மிடமிருந்து வெளியேறுகிறது.

பரிசுத்த ஆவியானவர் அசுத்தங்களிலிருந்து நம்மைத் தூய்மைப்படுத்தும் நெருப்பு - அன்பற்ற நடத்தைகள் மற்றும் அணுகுமுறைகள் - அவை அமைதியின்மையை , வேற்றுமையை,  மோதல்கள் மற்றும் போரை ஏற்படுத்துகின்றன. பரிசுத்த ஆவி நம்மை சுத்தமாக்கிய பின்பு, மற்றவர்களிடமிருந்து வரும் சோதனைகள் மற்றும் கவலைகள்  மத்தியிலும் கூட அமைதியானதாக உணரக்கூடியதாக ஆக்குகிறது. சாத்தானின் தாக்குதலில் இருந்து, நாம்  வெளியே வர முடியும்.  இதுவே கடவுளின் சமாதானத்தை இந்த உலகிற்கு கொண்டுவரும் கருவியாக நாம் இருப்போம். கிறிஸ்துவின் சமாதானத்தை பரப்புவதற்கு பரிசுத்த ஆவியின் நெருப்பு உங்களை இன்னும் உணரவில்லை என்றால், இயேசு உங்கள் மீது வேதனையடைகிறார்.

உங்களைச் சுற்றியுள்ள தீமையை நினைத்துப் பாருங்கள்.எந்த தீமையை நிறுத்த விரும்புகிறீர்கள். அதற்கு நீங்கள் என்ன செய்ய வேண்டும் என்று இயேசு விரும்புகிறார்? பரிசுத்த ஆவியின் நெருப்பால் உங்கள் சொந்த ஆவியின் அசுத்தங்கள் எரிக்கப்பட வேண்டும், இதனால் நீங்கள் தெய்வீக நன்மையால் தீமையை மறைக்க முடியும். இயேசு என்ன செய்ய வேண்டும் என்று பாருங்கள். அவர் எந்த மாதிரியான  ஞானஸ்நானம் பற்றி இயேசு  பேசினார்? அவர் ஏற்கனவே பெற்ற நீர் ஞானஸ்நானம் அல்ல. வேதனையான சுய தியாகத்தின் மூலம் பெரும்  ஞானஸ்நானம், தீமையிலிருந்து நம்மை மீட்பதற்காக இயேசு  விருப்பத்துடன் ஏற்றுக்கொண்டார்.

சாத்தானை தடுக்க, நாம் இயேசுவைப் போல ஆக வேண்டும். மற்றவர்களுக்காக தியாகங்களைச் செய்ய நாம் விரும்புவது கிறிஸ்தவ முதிர்ச்சியின் அறிகுறியாகும்.  வேறொருவரின் திறனில் ஒரு வித்தியாசத்தை ஏற்படுத்தும் வகையில், நம்முடைய இருதயங்களையும் ஆத்மாக்களையும் படைப்புகளிலும் பிரார்த்தனைகளிலும் ஊறினால் ஒழிய நாம் ஏற்படுத்த முடியாது. மற்றவர்களின் உள்ளே நித்திய சமாதானத்தைப் பெறுவதற்கான நாம் முயற்சிக்க முடியவில்லை எனில், நாம் மகிழ்ச்சியாக இருக்க மாட்டோம்.

இந்த நெருப்பு வீடுகளை பிரிக்கிறது என்று இயேசு குறிப்பிட்டார். இது சுயநலமாக இருந்து, அமைதிக்கு வழிவகுக்கும் தியாகங்களை செய்ய விரும்பாத எவரிடமிருந்தும் நம்மைப் பிரிக்கிறது. ஆயினும்கூட, நாம் அவர்களுக்கு தொடர்ந்து நமது அன்பைக் கொடுக்க வேண்டும். இது நமக்குள் இருக்கும் நெருப்பை இன்னும் அதிகமாக்குகிறது.  இது நம்மை மேலும் தூய்மைப்படுத்துகிறது. இதனால், படிப்படியாக, உலகம் மாறுகிறது.

© 2019 by Terry A. Modica

ஆகஸ்டு 4 2019 ஞாயிறு நற்செய்தி மறையுரை

ஆகஸ்டு  4 2019 ஞாயிறு நற்செய்தி மறையுரை

ஆண்டின் 18ம் ஞாயிறு

Ecclesiastes 1:2; 2:21-23
Ps 90:(1) 3-6, 12-14, 17
Colossians 3:1-5, 9-11
Luke 12:13-21

லூக்கா நற்செய்தி

அறிவற்ற செல்வன் உவமை

13கூட்டத்திலிருந்து ஒருவர் இயேசுவிடம், “போதகரே, சொத்தை என்னோடு பங்கிட்டுக்கொள்ளுமாறு என் சகோதரருக்குச் சொல்லும்” என்றார்.

14அவர் அந்த ஆளை நோக்கி, 

“என்னை உங்களுக்கு நடுவராகவோ பாகம் பிரிப்பவராகவோ அமர்த்தியவர் யார்?”

 என்று கேட்டார்.

15பின்பு அவர் அவர்களை நோக்கி, 

“எவ்வகைப் பேராசைக்கும் இடங்கொடாதவாறு எச்சரிக்கையாயிருங்கள். மிகுதியான உடைமைகளைக் கொண்டிருப்பதால் ஒருவருக்கு வாழ்வு வந்துவிடாது”

 என்றார்.

16அவர்களுக்கு அவர் ஓர் உவமையைச் சொன்னார்: 

“செல்வனாயிருந்த ஒருவனுடைய நிலம் நன்றாய் விளைந்தது.

17அவன், ‘நான் என்ன செய்வேன்? என் விளை பொருள்களைச் சேர்த்து வைக்க இடமில்லையே!’ என்று எண்ணினான்.

18‘ஒன்று செய்வேன்; என் களஞ்சியங்களை இடித்து இன்னும் பெரிதாகக் கட்டுவேன்; அங்கு என் தானியத்தையும் பொருள்களையும் சேர்த்து வைப்பேன்’.

19பின்பு, "என் நெஞ்சமே, உனக்குப் பல்லாண்டுகளுக்கு வேண்டிய பல வகைப் பொருள்கள் வைக்கப்பட்டுள்ளன; நீ ஓய்வெடு; உண்டு குடித்து, மகிழ்ச்சியில் திளைத்திடு" எனச் சொல்வேன்’ என்று தனக்குள் கூறிக்கொண்டான்.

20ஆனால் கடவுள் அவனிடம், ‘அறிவிலியே, இன்றிரவே உன் உயிர் உன்னைவிட்டுப் பிரிந்துவிடும். அப்பொழுது நீ சேர்த்து வைத்தவை யாருடையவையாகும்?’ என்று கேட்டார்.

21கடவுள் முன்னிலையில் செல்வம் இல்லாதவராய்த் தமக்காகவே செல்வம் சேர்ப்பவர் இத்தகையோரே.”

(thanks to www.arulvakku.com)

கடவுளின் தாராள குணத்தின் செல்வங்கள்

கடவுளின் தாராள குணத்தை நாம் புரிந்து கொள்ளும்பொழுது , உண்மையாகவே நாம் எவ்வளவு பெரிய செல்வத்தை கொண்டுள்ளோம் என்று நாம் அறிந்து கொள்வோம்.  நம்மிடம் குறைவான பணம் வங்கியில் இருந்தாலும்,  கடவுளோடு நம் வாழ்வு நாம் பணக்காரர்களாகவே இருப்போம். --கடவுளால் நாம் பாதுகாக்கப்பட்டு , நாம் பயம் இல்லாமல் இருப்போம். அதனால், நமக்கு  நிம்மதியும், அமைதியும் பல சோதனைகளுக்கு இடையிலும் கிடைக்கும். நாம் ஞானத்தாலும், தொடர் முயற்சியாலும் பல சோதனைகளை கடந்து வருவோம்.

கடவுளின் தாராள குணம் மூலம் நமக்கு பொருட் செல்வமும்  கிடைக்கும். நம்மிடம் இருக்கும் அன்னை பொருட் செல்வமும் கடவுளிடமிருந்து வந்தவை தான். கடவுள் நமக்கு கிடைத்த திறமைகள், தகுதிகளால்  நமக்கு அந்த பொருட்கள் வந்தன.  நமது முயற்சியால் வந்த அனைத்துமே கடவுளின் முயற்சியால் வந்தவைகள் தான்.  நமது வாழ்வில் உள்ள அனைத்து நல்ல  விஷயங்களும் கடவுளிடமிருந்தே வந்தவை.

எனினும்,  நம்மை விட பெரிய நோக்கம் உள்ளது. கடவுளிடமிருந்து வந்த அனைத்தும், மற்றவர்களை ஆசிர்வதிக்க தான் நமக்கு உள்ளது. கடவுளின் தாராள குணத்திற்கு நாம் வழித்தடம் ஆக இருக்கிறோம்.

நம்மிடம் இருப்பவைகளை நாம் பகிர்ந்து கொள்ளாமல் இருக்கும்போது அது நாம் பாவம் செய்வதற்கு காரணம் ஆகும். சுய நலத்திற்கு நாம் அடிமைகளாகியுள்ளோம்.   கொஞ்சம்  கர்வத்திற்கு சமமானது. கடவுள் நம் மூலம் மற்றவர்களுக்கு பகிர்ந்து கொள்ள விரும்புவதை கர்வம் தடுக்கிறது. அதனால் மற்றவர்கள் காயப்படுகிறார்கள்.

இந்த பாவத்தினால்  நாம் பாதிக்கப்பட கூடியது எது? நம்மை நாமே நம்புவது. ஏனெனில், நம்மிடம் உள்ள பொருட் செல்வமும், நம்மாலே எல்லாம் செய்ய முடியும்  என்று நாம் நினைத்து கொண்டு, கடவுளை விட்டு விடுகிறோம். கடவுளோடு இணைந்து நாம் எதனையும் செய்யாமல் இருக்கிறோம். கடவுளின் தாராள குணத்தோடு நாம் இணைந்து  எந்த செயலும் செய்வதில்லை. கடவுள் நம் மேல் தாராளமாக இருந்தால் கூட,  நம் சுய நம்பிக்கையால்,  நாம் அவரை ஒதுக்கி விடுகிறோம்.

நாம் நமக்காக பொருட்களை சேர்த்து கொண்டு , நம் வாழ்வை காப்பாற்றி கொள்ளலாம்  என்று இருக்கும் பொழுது, மற்றவர்கள் துன்ப படுகிறார்கள். இன்றைய ஞாயிறின்  நற்செய்தியில் கர்வத்தையும் சுயநலமாக இருப்பதையும் பற்றி பேசுகிறார். ஏனெனில் இவையிரண்டும், கடவுளின் தன்மைக்கு மாறாக இருப்பதாகும்.

நமக்கு கிடைத்த நல்லது  அனைத்தும்,  கடவுள் தான் கொடுத்தார். என்று நமக்கு புரியும்  போது ,    தாராள குணம் நம்முள் வளரும். மேலும் அவர் நமக்கு கொடுத்ததை நாம் பகிர்ந்து கொள்ளும்பொழுது கடவுள் மேலும்  நமக்கு கொடுப்பார் என்றும் நமக்கு தெரியும். கடவுள் உங்களுக்கு கொடுத்த அத்தனை பணம், ஞானம், நாம் கற்று கொண்ட போதனைகள் அனைத்தையும் நினைத்து பாருங்கள். இப்பொழுது  உங்களை  சுற்றி பாருங்கள், உங்களால், வரிகளின் ஜெபத்திற்கு பதில் கொடுக்க முடியும். அதனை எப்படி செய்ய முடியும்?

நாம் எப்படி எல்லாம் , எத்தனை செல்வம் அடைய வேண்டும் என நினைக்கிறோமோ , அவையெல்லாம் கடவுளிடம் இருந்து வந்தது. அவைகளை நாம் பகிர்ந்து கொள்ள வேண்டும். இறையரசின் முக்கியமான பொருளாதார கொள்கையே இது தான். நாம் தொடர்ந்து பகிர்ந்து கொள்ளும்பொழுது தான், கிறிஸ்துவின் உடல் இவ்வுலகில் வளரும். இதனை தான் நாம் புனிதர்களின் ஒற்றுமை என்று கூறுகிறோம்

© 2019 by Terry A. Modica